Mon, Jan 14, 2008
O acabado de ordenar sacerdote, Horacio Casares, chega á parroquia de Louredo. A súa misión, substituír a don Crisanto, home xa maior que empeza a padecer os problemas da idade. A súa chegada a Louredo coincidirá coa festa patronal de Santo Antón Abade, unha ancestral celebración que culmina co lanzamento dun porco desde o alto do campanario.
Mon, Jan 21, 2008
A igrexa de Louredo está chea de pingueiras. A parroquia non dispón de medios económicos para facer fronte á reparación. Será necesario sacar diñeiro de onde sexa. Por outro lado, debido ás tarefas de reparación, Horacio Casares verase obrigado a levar a misa fóra da igrexa, pero vaise atopar coa negativa de Delmiro, o alcalde ateo da vila
Mon, Jan 28, 2008
Chegada a hora de pintar a igrexa, a polémica está servida. Miñato, o encargado das tarefas de reparación no templo, elixe unha cor verde que, segundo o parecer de moitos dos veciños, podería non ser a máis axeitada.
Por outra banda, Horacio Casares, home de gustos refinados e espírito ávido de novos coñecementos, sentirase tentado de participar nunhas clases de bailes de salón; algo pouco visto nun sacerdote e moito menos nunha vila pequena.
Por outra banda, Horacio Casares, home de gustos refinados e espírito ávido de novos coñecementos, sentirase tentado de participar nunhas clases de bailes de salón; algo pouco visto nun sacerdote e moito menos nunha vila pequena.
Mon, Feb 4, 2008
Os tempos cambian e coa modernidade chega o libre mercado que, como a todo o demais, afecta tamén aos provedores da Igrexa. Un incidente acontecido na parroquia de Louredo levará ao novo párroco a pensar que talvez sexa o momento de cambiar o provedor das obleas. O problema é que a provedora de toda a vida é Lidia, a dona do bar e do ultramarinos da vila.
Por outra banda, Delmiro, o alcalde comunista, sorprenderá aos veciños cunha iniciativa que levará ao enfrontamento dos cidadáns: movido por un espírito de laicismo, o rexedor pretende cambiar o nome da vila de Santo Antonio de Louredo, a Louredo sen máis.
Mon, Feb 11, 2008
É tradición na vila de Louredo, como en moitas outras vilas pequenas de Galicia, custodiar as imaxes dos santos nas casas dos veciños. Pero ás veces a devoción vólvese ambición... Neste particular, as obras na igrexa farán necesario que alguén coide da imaxe do Santo Antonio dun xeito especial. É unha gran responsabilidade e nin Amelia nin Lidia queren ser menos ca outra...
Alleos a estes enfrontamentos, os homes da vila acudirán a un curso de repostería no centro social; pero non porque teñan vocación de pasteleiros... Pola súa banda, Horacio tomará unha decisión: o despido de Santi.
Alleos a estes enfrontamentos, os homes da vila acudirán a un curso de repostería no centro social; pero non porque teñan vocación de pasteleiros... Pola súa banda, Horacio tomará unha decisión: o despido de Santi.
Mon, Feb 18, 2008
O fillo de Delmiro e mais a sobriña de Amelia queren casar pola Igrexa. Todo sería moi doado se non fose pola negativa de Delmiro, ateo declarado, que non quere que o seu fillo faga unha voda relixiosa.
Por outra banda, tras o despido de Santi, Horacio Casares contratará unha muller chamada Cecilia. Esta decisión custaralle ao párroco as críticas dalgúns veciños.
Por outra banda, tras o despido de Santi, Horacio Casares contratará unha muller chamada Cecilia. Esta decisión custaralle ao párroco as críticas dalgúns veciños.
Mon, Feb 25, 2008
Horacio Casares leva un tempo asistindo ás clases de baile, tendo como compañeira de baile a Iria, a mestra de galego. Dada a condición relixiosa de Horacio, os dous amigos levan en segredo a súa afección compartida, pero os rumores correrán coma a pólvora pola vila de Louredo.
Por outra banda, Josito quere ser funcionario do concello. O cuñado do alcalde cre que coa súa relación familiar xa é suficiente, pero Delmiro está moi agoniado coa situación. Ademais, Josito pretende pechar o acordo subornando o seu cuñado cun xamón.
Por outra banda, Josito quere ser funcionario do concello. O cuñado do alcalde cre que coa súa relación familiar xa é suficiente, pero Delmiro está moi agoniado coa situación. Ademais, Josito pretende pechar o acordo subornando o seu cuñado cun xamón.
Mon, Mar 3, 2008
Amador, o pai de Maite, a guapa da vila, morre dun infarto xogando a partida no bar de Lidia e Sindo. Da tristeza dos veciños de Louredo pasarán á sorpresa: Amador, suposto ateo convencido, deixa escrito que quere unha misa pola súa alma.
Conmovidos, os veciños deciden crear un coro na vila, para que cante na misa do defunto. Pero o coro precisa dun local e Delmiro, enfadado pola traizón ideolóxica de Amador, non está disposto a ceder o uso do local social, e monta un coro laico pola súa conta.
Conmovidos, os veciños deciden crear un coro na vila, para que cante na misa do defunto. Pero o coro precisa dun local e Delmiro, enfadado pola traizón ideolóxica de Amador, non está disposto a ceder o uso do local social, e monta un coro laico pola súa conta.
Mon, Mar 10, 2008
Delmiro merca un barco cos cartos da parroquia e do concello para atraer o turismo á vila. Josito é o único que, teoricamente, xa que só fixo unha práctica, ten carné para patronar un barco, así que Delmiro logra convencelo coa condición de que así terá unha praza no concello.
A superstición comeza a callar entre os veciños de Louredo. Unha sucesión de accidentes, protagonizados polos veciños da vila, farán que Horacio Casares teña que tomar cartas no asunto e apelar á razón dos seus fregueses.
Por outra banda, parece que entre Elsa, unha das beatas da vila, e Sindo, dono do bar e da tenda e home de Lidia, está a nacer algo máis que unha relación de colegas, entre as dúas mellores voces de Louredo.
A superstición comeza a callar entre os veciños de Louredo. Unha sucesión de accidentes, protagonizados polos veciños da vila, farán que Horacio Casares teña que tomar cartas no asunto e apelar á razón dos seus fregueses.
Por outra banda, parece que entre Elsa, unha das beatas da vila, e Sindo, dono do bar e da tenda e home de Lidia, está a nacer algo máis que unha relación de colegas, entre as dúas mellores voces de Louredo.
Mon, Mar 17, 2008
Definitivamente Elsa, a beata, devece por Sindo, o home de Lidia. A paixón da muller é tal que a pobre anda apampada todo o día e non deixa de acosar a Sindo cada vez que coincide con el no coro. A situación acabará complicándose, por mor dunha nota escrita pola muller que chegará ás mans da persoa menos pensada.
Por outra banda, chega o momento de cumprir cunha tradición de Louredo: a colecta anual para os máis desfavorecidos. Pero este ano Horacio Casares decidirá facer algunhas innovacións no sistema de recollida dos cartos. Ademais, para non facer de menos a don Crisanto, o novo párroco decidirá darlle ao ancián unha responsabilidade especial...
Por outra banda, chega o momento de cumprir cunha tradición de Louredo: a colecta anual para os máis desfavorecidos. Pero este ano Horacio Casares decidirá facer algunhas innovacións no sistema de recollida dos cartos. Ademais, para non facer de menos a don Crisanto, o novo párroco decidirá darlle ao ancián unha responsabilidade especial...
Mon, Mar 24, 2008
O namoramento de Elsa está a provocar certos danos colaterais. O prexudicado: Delmiro. Un malentendido ten ao alcalde entre a espada e a parede. Moncha, a súa muller, quere botalo da súa casa. Unha vez máis será necesaria a mediación de Horacio Casares.
Por outra banda, semella que Iria, a mestra de galego do colexio, ten un admirador. Trátase de Paulo, o profesor da academia de baile. Iria acepta quedar despois da clase para tomar un café, pero, para sorpresa de Paulo, a moza aparecerá acompañada pola súa amiga Maite.
Por outra banda, semella que Iria, a mestra de galego do colexio, ten un admirador. Trátase de Paulo, o profesor da academia de baile. Iria acepta quedar despois da clase para tomar un café, pero, para sorpresa de Paulo, a moza aparecerá acompañada pola súa amiga Maite.
Mon, Mar 31, 2008
Delmiro está desesperado por volver coa súa muller. Pero Moncha poñeralle unha condición: ten que converterse e ir á misa, como todo fregués que se prece. A Delmiro a idea non lle vai facer moita graza, pero pola súa muller faría case calquera cousa.
Pola súa banda, Horacio Casares empeza a sentir algo que o fai dubidar sobre todos os principios que rexen a súa vida. O motivo ten nome de muller: Iria, a profesora da escola.
Pola súa banda, Horacio Casares empeza a sentir algo que o fai dubidar sobre todos os principios que rexen a súa vida. O motivo ten nome de muller: Iria, a profesora da escola.
Mon, Apr 14, 2008
Horacio anuncia o que ninguén agardaba: vai marchar para as misións. Todo Louredo queda apesarado coa noticia, e máis o alcalde, que sabe que sen un habitante máis non van chegar ao mínimo esixido para seren concello. No mesmo día morre o ancián Santos, e Delmiro decide recoller sinaturas por Louredo para convencer a Horacio de que quede.
Pero Horacio parece ter un motivo que vai poñer en perigo as súas crenzas e, sobre todo, a súa dedicación.
Pero Horacio parece ter un motivo que vai poñer en perigo as súas crenzas e, sobre todo, a súa dedicación.
Sun, Apr 20, 2008
Cando Horacio xa tiña un pé fóra de Louredo algo sucede: aparece un bebé abandonado na casa reitoral. Horacio vai facer fronte ao seu coidado coa axuda de Iria, xa que quere atopar os seus pais antes de dalo ás autoridades.
Por outro lado, a deputación xa sabe que Louredo ten menos habitantes do que precisan así que os van anexionar á vila do lado: inimigos irreconciliables. Josito ten unha idea: empadroar o neno. Pero non será tan doado convencelos a todos.
Por outro lado, a deputación xa sabe que Louredo ten menos habitantes do que precisan así que os van anexionar á vila do lado: inimigos irreconciliables. Josito ten unha idea: empadroar o neno. Pero non será tan doado convencelos a todos.
Sun, Apr 27, 2008
Don Crisanto e Amelia non aguantan máis sen bautizar o neno. Pero o Concello, laico como é, non está nada polo labor. Delmiro pensa que se o neno non se pode empadroar, tampouco se pode bautizar.
Horacio recibe unha confesión: a nai do neno agradece todo o que está a facer polo pequeno. O obxectivo de Horacio é que a nai confese e que todo remate dunha vez.
Horacio recibe unha confesión: a nai do neno agradece todo o que está a facer polo pequeno. O obxectivo de Horacio é que a nai confese e que todo remate dunha vez.
Sun, May 4, 2008
Horacio trata de convencer a Fina de que diga a verdade: ela é a nai do neno. Puri acaba de atopar o seu fillo na súa cama con outro home. Alporizada, vai onda Horacio para que trate de curalo. Delmiro proponse a organizar a primeira voda gay de Louredo.
Puri acaba descubrindo non só que o seu fillo é gay, senón que a súa filla é a nai do pequeno que lle deixaron abandonado na porta a Horacio.
Puri acaba descubrindo non só que o seu fillo é gay, senón que a súa filla é a nai do pequeno que lle deixaron abandonado na porta a Horacio.
Sun, May 11, 2008
Delmiro despide a Josito. As beatas preocupadas pola situación de Josito falan co cura para que o contrate de sancristán.
Maite prepara un curso sobre planificación familiar, pero as beatas terminan complicándolle o curso. Horacio fala con Delmiro, se quere a Josito de volta tenllo que pedir el.
Maite prepara un curso sobre planificación familiar, pero as beatas terminan complicándolle o curso. Horacio fala con Delmiro, se quere a Josito de volta tenllo que pedir el.
Sun, May 18, 2008
Tratando de axudar os máis necesitados de Santo Antonio de Louredo, Amelia e Horacio danse conta de que os petos do santo foron forzados e están baleiros. Hai un ladrón en Louredo.
A doazón dos libros que don Crisanto tiña no faiado fará que este se enfronte a Delmiro e porá á vila e á muller do alcalde en contra de Delmiro.
A doazón dos libros que don Crisanto tiña no faiado fará que este se enfronte a Delmiro e porá á vila e á muller do alcalde en contra de Delmiro.
Sun, May 25, 2008
Os reflexos de Crisanto xa non son o que eran antes. Case atropela a Miñato co seu monovolume. Miñato, baixo as ordes de Amelia, estrágalle o coche para que Crisanto xa non ande polas rúas de Louredo.
Elsa perde a súa ovella favorita, polo que tapiza todo o concello con fotos da ovella, por se alguén a chega a atopar.
Elsa perde a súa ovella favorita, polo que tapiza todo o concello con fotos da ovella, por se alguén a chega a atopar.
Sun, Jun 1, 2008
Un brote de gripe asola Louredo. Lidia é unha das primeiras en caer co catarro, polo que o bar está pechado ata que Delmiro, por non ter outro lugar no que botar a partida, lle insiste en que deixe que Sindo se faga cargo do negocio.
Horacio quere fomentar a participación da xente na misa e, nese aspecto, unha das súas propostas consiste en que a xente suba a ler na misa do domingo unha das lecturas. Pola outra banda, as beatas temen que se suspendan as misas xa que o cura novo tamén está na cama coa gripe. Pero será Crisanto quen se faga cargo das misas.
Horacio quere fomentar a participación da xente na misa e, nese aspecto, unha das súas propostas consiste en que a xente suba a ler na misa do domingo unha das lecturas. Pola outra banda, as beatas temen que se suspendan as misas xa que o cura novo tamén está na cama coa gripe. Pero será Crisanto quen se faga cargo das misas.
Sun, Jun 8, 2008
Un acidente na Igrexa obriga a cerrala. Todos os veciños abandonan o templo, todos menos unha: Asunción, unha freguesa que acode á Igrexa para non estar soa.
Iria e Horacio tentan convencer a Delmiro para crear un servizo de compaña para maiores, mais non consegue os cartos da Xunta e monta unha folga de fame como protesta que finalmente terá que facer Josito. Para solucionar o problema, Horacio pídelles aos veciños que coiden de Asunción pero só Elsa e Sindo acuden a súa chamada.
Iria e Horacio tentan convencer a Delmiro para crear un servizo de compaña para maiores, mais non consegue os cartos da Xunta e monta unha folga de fame como protesta que finalmente terá que facer Josito. Para solucionar o problema, Horacio pídelles aos veciños que coiden de Asunción pero só Elsa e Sindo acuden a súa chamada.
Sun, Jun 15, 2008
As eleccións están a volta da esquina e Delmiro non cumpriu ninguna das promesas feitas na campaña. A construcción dun polideportivo será a solución, aínda que non resultará fácil xa que terá á Igrexa e ás beatas na súa contra.
Horacio anuncia a visita do bispo para o próximo domingo e os fregueses de Louredo preparan o día como se se tratase do día de Santo Antón. Allea a todo, Iria recibe unha chamada que a obrigará a tomar unha importante decisión sobre o seu futuro na vila.
Horacio anuncia a visita do bispo para o próximo domingo e os fregueses de Louredo preparan o día como se se tratase do día de Santo Antón. Allea a todo, Iria recibe unha chamada que a obrigará a tomar unha importante decisión sobre o seu futuro na vila.